Á morgun þann 28 apríl 2007

Á morgun þann 28 apríl verð ég sextíu ára! Húrra fyrir góðri heilsu á efri árum. Ég fer yfirleitt á fætur upp úr sjö á morgnana og efalaust fer ég fætur á sama tíma á morgun. Eftir umþb 20 mínútna lyftingar verð ég orðin eilítið sveitt og fer í sturtu. Eftir sturtuna borða ég morgunmatinn en hann tel ég vera mikilvægustu máltíð dagsins og borða þá fituskert kjöt steikt á stikkfrírri pönnu þar sem ég þarf enga fitu að nota og helling af grænmeti. Að loknum morgunverði klæði ég mig í vindheldan útigakkan og bind hárið í stert undir einhverja af derhúfunum sem ég hef keypt á heimshornaflakki mínu. Útivera er mér í blóð borin enda fædd í sveit og vön hverskonar úti vinnu og útiveru.
Í eftirmiðdaginn kveiki ég á útigrillinu og grilla sjávarfang, humar , með humrinum er ofurgott að dreypa á hvítvínsgnasi.

Athugasemdir

[Guðrún Magnea Helgadóttir, 28.4.2007 kl. 15:50]

0 fyrir framan töluna er bara núll! Enn fyrir aftan hana er hún í fullu gildi. Takk fyrir hamingjuóskirnar!

[Kristján Pétursson, 28.4.2007 kl. 18:22]

Það er gaman að heyra Guðrún hvað þú skipuleggur daginn vel.Heilbrigði fæst með góðum mat og útiveru,þar erum við samstíga.Ég var líka alinn upp í sveit og nýt þess alla æfi.

Vegna fyrirspurnar þinnar,sem ég hef svarað á blogginu mínu,gleymdi ég að segja þér,að ég var sá sem skrifaði  mikið um fíkniefnamál í Vísi og síðar Dagblaðið  eftir l970

[Guðrún Magnea Helgadóttir, 30.4.2007 kl. 15:28]

Sæll Kristján Pétursson! Já ég mundi andlitið á tollverðinum rétt. Ég er búin að senda þér slóðina á heimasíðunni. http://mal214.googlepages.com. Hefurðu eitthvað til málanna að leggja?